Joriy yilning 30-sentyabr kuni Prezident Shavkat Mirziyoyevning ta’lim-tarbiya sohasi vakillari bilan muloqotida tuman va shahar hokimlariga har haftada maktablardan xabar olish, kamchiliklarni bartaraf etish, muallimlar bilan yaqindan suhbat qurib, mavjud muammolarni hal etish ishlarini kuchaytirish vazifasi belgilab berilgan edi. 

✔️Mingbuloqqa tashrif davomida Uchquduq tuman hokimi, xalq deputatlari tuman Kengashi raisi Uchqun Yelmuratov, xalq deputatlari tuman Kengashi deputati B.Kuzenbayevlar tomonidan ayni vazifalar ijrosi sifatida ovuldagi 11-maktab va 4-davlat maktabgacha ta’lim tashkiloti pedagoglari bilan ham alohida uchrashuv tashkil etilib, ularning taklif va muammolari tinglandi. Muhokama jarayonida pedagoglar tomonidan bildirilgan murojaatlar yuzasidan tegishli soha rahbarlariga ularni qisqa vaqt ichida ijobiy hal etishga qaratilgan aniq ko‘rsatmalar berildi.