Qarashiq mahallasida sayyor qabul o‘tkazildi

Uzun tuman hokimi, tuman Kengashi deputati Xabibulla Bozorov, tuman IIB boshlig’i O’.Mustafoqulov hamda prokuratura vakillari ishtirokida Qarashiq mahallasida aholi bilan sayyor qabul o‘tkazildi. Qabul davomida fuqarolar tomonidan 30 dan ortiq murojaatlar bildirilgan bo‘lib, ularning aksariyati ijtimoiy-iqtisodiy masalalarga taalluqli bo‘ldi.

Xususan, yo‘llarni ta’mirlash, ichimlik suvi va elektr ta’minotini yaxshilash, ijtimoiy yordam hamda bandlik masalalari yuzasidan murojaatlar tinglandi. Hokim tomonidan mas’ullarga har bir murojaatni o‘rganib, belgilangan muddatlarda hal etish bo‘yicha topshiriqlar berildi. Sayyor qabullar aholi muammolarini joyida hal etish va fuqarolar bilan ochiq muloqotni mustahkamlashda muhim ahamiyat kasb etmoqda.