Xalq deputatlari Uchko‘prik tumani Kengashining navbatdagi o‘ninchi sessiyasi bo‘lib o‘tdi. Unda Xalq deputatlari tuman Kengashi deputatlari, tuman hokimining o‘rinbosarlari, kun tartibidagi masalalarga aloqador davlat va jamoat tashkilotlari vakillari ishtirok etdi. 

Sessiya ishida Uchko‘prik tumanida 2025-yilning birinchi choragi davomida jismoniy va yuridik shaxslarning murojaatlari bilan ishlash holati hamda ijro intizomiga amal qilinishi haqida;    

O‘zbekiston Respublikasi Prezidentining 2024-yil 4-apreldagi "Mehnat migratsiyasi jarayonlarini takomillashtirish hamda xorijda vaqtincha mehnat faoliyatini amalga oshirayotgan shaxslarni qo‘llab-quvvatlashga doir qo‘shimcha chora-tadbirlar to‘g‘risida"gi Farmonining Uchko‘prik tumanida ijrosini ta’minlash yuzasidan 2025-yilning birinchi choragi mobaynida amalga oshirilgan ishlar to‘g‘risida;    

"O‘zbekiston – 2030" strategiyasida ijtimoiy xizmatlar ko‘rsatish va kambag‘allikni qisqartirish bo‘yicha belgilangan maqsadlarning ijrosi yuzasidan 2025-yilning birinchi choragi davomida Uchko‘prik tumani "Inson" ijtimoiy xizmatlar markazi tomonidan amalga oshirilgan ishlar to‘g‘risida; 

Uchko‘prik tumanida 2025-yilning birinchi choragi yakunlari yuzasidan jamoatchilik fikri asosida shakllantirilgan tadbirlarni moliyalashtirishga yo‘naltirilgan mablag‘larning hisoboti to‘g‘risidagi va boshqa masalalar ko‘rib chiqildi.  

Sessiya yakunida ko‘rib chiqilgan masalalar yuzasidan xalq deputatlari tuman Kengashining tegishli qarorlari qabul qilindi.