Guliston shahri hokimi xorijda o'qish va ish bilan band bo'lgan yoshlar bilan muloqot qildi. Joriy yilning 10-aprel kuni Guliston shahri hokimi Jamoliddin Xodjimanovning xorijda mehnat migranti bo'lib ishlayotgan, shuningdek, xorijiy oliy ta'lim muassasalarida tahsil olayotgan gulistonlik yoshlar bilan onlayn muloqoti bo‘lib o‘tdi.

Muloqotda yoshlar tomonidan bildirilgan takliflar, ularni o‘ylantirib kelayotgan masalalar hamda murojaatlari shahar hokimi tomonidan tinglandi. Yoshlarning o'z uyiga qaytganidan so'ng qaysi yo'nalishda faoliyat olib borishlari, kelajak rejalari haqida o'rtoqlashib, har qanday zarur ko‘mak ko‘rsatilishi ta'kidlab o'tildi.