📌 PF-71-son Farmoni ijrosi yuzasidan o‘rganish ishlari boshlandi

🏛 O‘zbekiston Respublikasi Prezidentining 2025-yil 21-apreldagi PF-71-son "Korrupsiyaga qarshi kurashish tizimini yanada takomillashtirish bo‘yicha belgilangan ustuvor vazifalar ijrosini samarali tashkil etishga doir chora-tadbirlar to‘g‘risida"gi Farmoni hamda mazkur Farmonning 2-ilovasida belgilangan vazifalar ijrosini ta’minlash maqsadida Xalq deputatlari Oqdaryo tumani Kengashi kotibiyati mudiri, Korrupsiyaga qarshi kurashish va xavfsizlik masalalari bo‘yicha doimiy komissiya raisi Jamshidxon Sadullayev ishtirokida Oqdaryo tumani Soliq inspeksiyasida o‘rganish ishlari boshlandi.

📋 O‘rganish davomida soliq tizimida korrupsiyaga imkon beruvchi omillarni aniqlash va ularni bartaraf etish, byurokratik to‘siqlarni qisqartirish, davlat xizmatlari ko‘rsatish jarayonlarining shaffofligi, murojaatlar bilan ishlash holati, ijro intizomi hamda korrupsiyaning oldini olishga qaratilgan ichki nazorat mexanizmlarining amaldagi holati atroflicha tahlil qilinmoqda.

🔎 O‘rganish ishlari belgilangan reja asosida davom ettiriladi. Yakunlari bo‘yicha aniqlangan kamchiliklarni bartaraf etish, faoliyat samaradorligini oshirish hamda korrupsiyaviy xavf-xatarlarni kamaytirishga qaratilgan tegishli taklif va tavsiyalar ishlab chiqilib, doimiy komissiya nazoratiga kiritiladi.