Xalq deputatlari Parkent tuman Kengashiga 13-«Istiqbol» saylov okrugidan saylangan deputat Maxmudova Baxtinisa Zuxriddinovna tomonidan saylov okrugidagi mavjud muammolarni o‘rganish, aholi murojaatlari va takliflarini inobatga olish hamda ta’lim muassasasida zarur shart-sharoitlarni yaratish maqsadida Parkent tumani hokimi o‘rinbosari B.Soatovga deputatlik so‘rovi yuborildi.
📚 So‘rovda 40-umumiy o‘rta ta’lim maktabidagi o‘quv o‘rinlari tanqisligi masalasiga alohida e’tibor qaratilgan.
🗣 Deputat tomonidan o‘rganilgan holatga ko‘ra, 490 o‘rinli maktabda bugungi kunda 980 nafar o‘quvchi tahsil olmoqda. Muassasada mavjud 36 ta sinf xonasi o‘quvchilar soniga nisbatan qo‘shimcha imkoniyatlar yaratish zaruratini yuzaga keltirmoqda.
⏺ Shu munosabat bilan, maktab hududidagi mavjud bo‘sh yer maydonida qo‘shimcha zamonaviy o‘quv binosi qurish taklifi ilgari surildi.
🗣 Mazkur taklifning asosiy maqsadi:
· O‘quvchilar uchun yetarli ta’lim sharoitlarini yaratish;
·Maktabdagi o‘quv o‘rinlari tanqisligini kamaytirish;
·Ta’lim-tarbiya jarayonini samarali tashkil etish;
·O‘quvchilarning bilim va salohiyatini oshirish;
·Darsdan tashqari to‘garak mashg‘ulotlarini tashkil etish uchun qo‘shimcha imkoniyatlar yaratish.
✅ Deputatlik so‘rovida ushbu masalani belgilangan tartibda o‘rganish, qo‘shimcha o‘quv binosi qurilishi yuzasidan rejalashtirilgan chora-tadbirlar hamda ularni amalga oshirish muddatlari haqida asoslantirilgan yozma ma’lumot taqdim etish so‘ralgan.
✅ Deputatlik faoliyatining muhim yo‘nalishlaridan biri — aholini qiynayotgan muammolarni aniqlash, ularni vakolatli tashkilotlar oldiga qo‘yish va ijobiy hal etilishiga ko‘maklashishdir.
🇺🇿 Xalq deputatlari Parkent tuman Kengashi deputatlari tomonidan ta’lim sifati va yosh avlod uchun munosib sharoitlar yaratishga qaratilgan masalalar yuzasidan deputatlik nazorati hamda aholi manfaatlarini ifoda etish ishlari davom ettiriladi.