📌Xalq deputatlari Jizzax shahar Kengashi deputatlari M. Mamatqulov va B. Toshpo‘latovlar “Yuksalish” harakati Jizzax viloyati hududiy bo‘linmasi bilan hamkorlikda “Mahallani rivojlantirish va jamiyatni yuksaltirish yili”da amalga oshirishga oid Davlat dasturining 53-maqsadi, 6-ilovasi 150-bandi ijrosi yuzasidan Jizzax shahrida jamoatchilik monitoringini o‘tkazdilar.

🔸Monitoring davomida mahalliy va ichki yo‘llarni sement-beton qoplama asosida qurish, ularni saqlash tizimini joriy etish, yo‘llarning holati hamda belgilangan vazifalar ijrosi o‘rganildi.

🔸O‘rganishdan ko‘zlangan maqsad — yo‘l infratuzilmasini yaxshilash, amalga oshirilayotgan ishlarning sifatini taʼminlash va aholi uchun qulay hamda xavfsiz harakatlanish sharoitlarini yaratish borasida jamoatchilik nazoratini kuchaytirishdan iborat.