Xalq deputatlari Qo‘qon shahar Kengashiga 14-“Degrizlik” saylov okrugidan saylangan deputat O.Bozarov tomonidan “Bo‘ston” mahalla fuqarolar yig‘inida ko‘cha o‘rganishlari olib borildi.

O‘rganish davomida mahalladagi ko‘p qavatli uylar oldida joylashgan yer maydonlarini obodonlashtirish va ko‘kalamzorlashtirish masalalariga e’tibor qaratildi. Xususan, hududning ekologik holatini yaxshilash, yashil maydonlarni kengaytirish hamda aholi uchun yanada qulay va shinam muhit yaratish maqsadida 50 tup pavloniya daraxti ekish yuzasidan bildirilgan takliflar ko‘rib chiqildi.

Mazkur tashabbus hududni yanada obod qilish, daraxtlar sonini ko‘paytirish va ko‘p qavatli uylar atrofida yashil hududlarni shakllantirishga qaratilgani bilan ahamiyatlidir.

O‘rganish jarayonida bildirilgan taklifning amalga oshirish imkoniyatlarini ko‘rib chiqish hamda hududni ko‘kalamzorlashtirishga qaratilgan ishlarni qo‘llab-quvvatlash masalalariga e’tibor qaratildi.

Xalq deputatlari Qo‘qon shahar Kengashi