Tadbirda tuman Kengashi deputatlari Z. Dagarova, S. Valiyeva, D. Qo‘ziyeva va R. Mengziyayeva ham ishtirok etishdi.

Tadbirning asosiy maqsadi tarbiyachilarning kasbiy salohiyati va mahoratini namoyon etish, ilg‘or ish tajribalarini ommalashtirish, tarbiya jarayonida zamonaviy yondashuvlardan samarali foydalanayotgan fidoyi tarbiyachilarni aniqlash hamda ularni rag‘batlantirishdan iborat bo‘ldi.

Ko‘rik-tanlovda ishtirokchilar belgilangan shartlar asosida o‘zlarining bilim va tajribasi, ijodkorligi, pedagogik mahorati hamda tarbiyalanuvchilar bilan ishlash ko‘nikmalarini namoyish etdilar. Har bir ishtirokchi o‘z kasbiga bo‘lgan mehrini, mas’uliyati va yangicha yondashuvini namoyon etishga intildi.

Tuman Kengashi deputatlari ko‘rik-tanlov jarayoni bilan yaqindan tanishib, tarbiyachilarning mashaqqatli va sharafli mehnati e’tirof etilib, ularga kasbiy faoliyatlarida muvaffaqiyatlar tilandi.

Yakunda tanlovda faol qatnashgan ishtirokchilar munosib rag‘batlantirilib, g‘olib va sovrindorlar taqdirlandi.