Xalq deputatlari Parkent tuman Kengashi hamda “Madad” nodavlat notijorat tashkiloti o‘rtasida aholining huquqiy savodxonligini oshirish, fuqarolarning qonuniy huquq va manfaatlarini himoya qilish hamda ularga bepul huquqiy ko‘mak ko‘rsatish borasidagi hamkorlik izchil davom ettirilmoqda.
🇺🇿 Mazkur hamkorlikning amaliy jihatlarini yanada kuchaytirish maqsadida Xalq deputatlari Parkent tuman Kengashiga 16-“Bodomtepa” saylov okrugidan saylangan deputat Ashirmatova Xurshida Soliyevna hamda Parkent tumani “Madad” NNT byurosi bosh mutaxassisi Baxtiyor Umarbekov ishtirokida ishchi uchrashuv o‘tkazildi.
📌 Uchrashuvda aholining huquqiy muammolarini o‘rganish, fuqarolarga bepul yuridik yordam ko‘rsatish va murojaatlarni qonuniy asosda hal etishga ko‘maklashish masalalari muhokama qilindi.
👌 “Madad”ning aholiga bepul huquqiy yordam ko‘rsatish bo‘limi tomonidan amalga oshirilayotgan ishlar ham ushbu xizmatlarga bo‘lgan ehtiyoj yuqoriligini ko‘rsatmoqda.
🔵 Aholidan kelib tushayotgan murojaatlarning asosiy qismi:
🔵 ajrim va oilaviy masalalar;
🔵 aliment undirish;
🔵 uy-joy bilan bog‘liq masalalar;
🔵 meros masalalari bo‘yicha huquqiy maslahatlarni tashkil etmoqda.
🔵 Bir kunda 20 tadan ortiq murojaat kelib tushayotgani fuqarolarning huquqiy maslahat va amaliy yordamga bo‘lgan ehtiyoji yuqoriligini ko‘rsatadi.
📚 2026-yil boshidan buyon 6 168 ta huquqiy maslahat berilgan. Shuningdek, fuqarolar uchun 191 ta huquqiy hujjat tayyorlanib, bepul yuridik xizmatlar ko‘rsatilgan.
📌 Bu ko‘rsatkichlar aholiga huquqiy yordamni bevosita va qulay shaklda yetkazish, fuqarolarning o‘z huquqlarini bilishi hamda qonuniy manfaatlarini himoya qilishida bunday hamkorlikning amaliy ahamiyatini ko‘rsatadi.
📌 Uchrashuv davomida Kengash deputatlari va kotibiyat xodimlarining huquqiy bilimlarini oshirish, qonunchilik bo‘yicha seminar va o‘quv mashg‘ulotlarini tashkil etish masalalariga ham e’tibor qaratildi.
📌 Shuningdek, kelgusida sayyor huquqiy qabullarni o‘tkazish, deputatlarning saylov okruglaridagi fuqarolar bilan uchrashuvlarida “Madad” NNT vakillarining ishtirokini ta’minlash hamda murojaatlarni joyida o‘rganish bo‘yicha kelishuvlarga erishildi.
📌 Qonunlar va Kengash qarorlarining joylarda ijrosini o‘rganish, fuqarolar murojaatlarida ko‘tarilayotgan huquqiy masalalarni tahlil qilish va ularni qonuniy asosda hal etishga ko‘maklashish borasidagi hamkorlikni yanada kengaytirish belgilandi.
‼️ Xalq deputatlari Parkent tuman Kengashi va “Madad” NNT hamkorligining asosiy maqsadi — aholiga huquqiy yordamni yanada yaqinlashtirish, fuqarolarning huquqiy savodxonligini oshirish va ularning qonuniy manfaatlarini himoya qilishga ko‘maklashishdir.
⚖️ Huquqiy yordam — fuqarolar manfaatlarini himoya qilishning muhim vositasi!
✅ Kengash va “Madad” NNT — aholi manfaatlari yo‘lida hamkorlikda!