Sho‘rsoy mahallasida hokim yordamchisi faoliyati o‘rganildi

👥 Xalq deputatlari Boysun tumani Kengashi kotibiyati bosh mutaxassisi Z.B.O‘zbekovaga biriktirilgan 6-Sho‘rsoy saylov okrugidan saylangan deputati Baxoviddinov Samat Boyqobilovich tomonidan Sho‘rsoy mahallasida faoliyat olib borayotgan hokim yordamchisining ish faoliyati o‘rganildi.

📊 O‘rganish davomida «Raqamli mahalla» platformasida shakllantirilgan ma’lumotlar tahlil qilinib, aholi bandligini ta’minlash, ishsiz fuqarolarni daromadli mehnatga jalb qilish, mehnat migratsiyasida bo‘lgan fuqarolar bilan ishlash hamda ularning iqtisodiy faolligini oshirish masalalariga alohida e’tibor qaratildi.

👷‍♂️ Mahalla ma’lumotlariga ko‘ra, Sho‘rsoyda 79 nafar ishsiz fuqaro qayd etilgan. Ularning har biri bo‘yicha mavjud imkoniyatlardan kelib chiqib, doimiy yoki mavsumiy ishga joylashtirish, kasb-hunarga o‘qitish, o‘zini o‘zi band qilish va tadbirkorlikka jalb etish choralarini ko‘rish muhim vazifalardan hisoblanadi.

🌍 Shuningdek, mahallada 389 nafar fuqaro mehnat migratsiyasi bilan bog‘liq holatda qayd etilgan. Ularning mehnat bozoriga qaytarilishi, mavjud kasb va ko‘nikmalaridan samarali foydalanish, tadbirkorlik yoki daromadli mehnatga jalb qilish bo‘yicha manzilli ishlarni kuchaytirish zarurligi ta’kidlandi.

💰 Hokim yordamchisining faoliyatida aholini tadbirkorlikka jalb qilish, imtiyozli kredit va subsidiyalardan samarali foydalanishga ko‘maklashish, kichik biznes va xizmat ko‘rsatish sohasida yangi loyihalarni shakllantirish muhim o‘rin tutadi. Bu vazifalar 2026 yil uchun belgilangan hokim yordamchilari faoliyatining asosiy yo‘nalishlariga ham mos keladi.

📌 O‘rganish yakunida 79 nafar ishsiz fuqaroning bandligini ta’minlash, mehnat migratsiyasida bo‘lgan 389 nafar fuqaro bilan manzilli ishlash, ularni daromadli mehnatga qaytarish, tadbirkorlik tashabbuslarini qo‘llab-quvvatlash hamda mahallada yangi daromad manbalarini yaratish bo‘yicha ishlarni yanada kuchaytirish yuzasidan tavsiyalar berildi.

🤝 Deputatlik o‘rganishi davomida aniqlangan masalalarning ijrosini nazorat qilish, hokim yordamchisi, mahalla raisi va boshqa «mahalla yettiligi» a’zolari bilan hamkorlikda aholi bandligi va daromadlarini oshirishga qaratilgan ishlarni tizimli davom ettirish muhimligi qayd etildi.