Xalq deputatlari Qo‘qon shahar Kengashi deputati J.Xusanov tomonidan “Qaymoqli guzar” mahalla fuqarolar yig‘inida ko‘chalar holatini o‘rganish yuzasidan joyiga chiqqan holda o‘rganish ishlari olib borildi.

O‘rganish davomida Turkiston ko‘chasidan “Qaymoqli guzar” mahallasiga kirish qismida elektr tarmoqlarini yangilash maqsadida qazish ishlari amalga oshirilgani, biroq ta’mirlash ishlari yakunlanganiga qaramay, yo‘lning qazilgan qismi tegishli tartibda qayta ko‘milmagan va obodonlashtirilmagan holatda qolgani aniqlandi.

️Mazkur holat yo‘l harakati va piyodalar uchun noqulaylik tug‘dirishi mumkinligi sababli, qazilgan hududni belgilangan tartibda qayta tiklash va obodonlashtirish zarurligi qayd etildi.

Masalani ijobiy hal etish, yo‘lning qazilgan qismini qayta tiklash hamda hududni tartibga keltirish bo‘yicha mas’ul tashkilotlarga deputatlik so‘rovi yuborishga kelishib olindi.

Mazkur masala deputat nazoratiga olinib, amalga oshiriladigan ishlarning holati o‘rganib boriladi.

Xalq deputatlari Qo‘qon shahar Kengashi