Yoshlar ekspert guruhi yig‘ilishi o‘tkazildi

Xalq deputatlari Namangan shahar Kengashi Kotibiyati mudiri
N. Ubaydullayev, Kotibiyat bosh mutaxassislari A. Nurmatov va
M. Abdulmajidov ishtirokida Yoshlar ekspert guruhi yig‘ilishi o‘tkazildi.

Yig‘ilishda yoshlar bilan ishlash samaradorligini oshirish, ularning muammolari va takliflarini o‘rganish, yoshlarning ijtimoiy faolligini qo‘llab-quvvatlash hamda mavjud masalalar yuzasidan amaliy takliflar ishlab chiqish masalalari muhokama qilindi.

Shuningdek, yoshlar masalalariga oid qonunchilik hujjatlari talablari, Kengashning doimiy komissiyalari bilan hamkorlikni kuchaytirish va yoshlar manfaatlariga daxldor masalalarni tizimli ravishda o‘rganish yuzasidan fikr almashildi.

Mazkur faoliyat 24 talik tavsiyaning yoshlar yetakchilari faoliyati va yoshlar bandligiga oid 1-bandi, shuningdek, aholi bandligini ta’minlashga oid 23-bandi bilan uyg‘un holda amalga oshirildi.

O‘rganish va muhokama jarayonida Kengashning doimiy komissiyalari kesimidagi qonunlar taqsimotidan “Yoshlarga oid davlat siyosati to‘g‘risida”gi O‘zbekiston Respublikasi Qonuni, O‘RQ-406-son, 2016-yil 14-sentabr hamda sohaga oid boshqa qonunchilik hujjatlari talablari asosida tegishli masalalar ko‘rib chiqildi.

Yig‘ilish yakunida yoshlarning huquq va manfaatlarini ta’minlash, tashabbuslarini qo‘llab-quvvatlash hamda yoshlar bilan ishlash samaradorligini oshirish bo‘yicha tegishli vazifalar belgilab olindi.