MAHALLA NURONIYLARI BILAN UCHRASHUV O‘TKAZILDI

Xalq deputatlari tuman Kengashi deputatlari G‘.Axmedov va N.Turdiyevlar tomonidan Yangi Hayot mahallasida mahalla nuroniylari bilan uchrashuv o‘tkazildi.

Muloqot davomida mahallada amalga oshirilayotgan ishlar, hududni obodonlashtirish, aholi osoyishtaligini ta’minlash hamda nuroniylarning mahalla hayotidagi faol ishtiroki masalalari muhokama qilindi. Shuningdek, nuroniylar tomonidan mahallada mavjud ayrim muammolar va aholini qiynab kelayotgan masalalar yuzasidan fikr-mulohazalar bildirildi.

Deputatlar tomonidan bildirilgan taklif va muammolarni tegishli mutasaddilar bilan hamkorlikda o‘rganish hamda ularning ijobiy yechimini ta’minlash bo‘yicha zarur choralar ko‘rilishi ta’kidlandi.