Xalq deputatlari Uchquduq tuman Kengashi kotibiyati bosh mutaxassisi M.Muhammadiyev tomonidan Aytim mahalla fuqarolar yig‘inida xotin-qizlar faoli tomonidan amalga oshirilayotgan ishlar samaradorligi o‘rganildi.

🔎 O‘rganish davomida mahalladagi xotin-qizlarning muammolarini aniqlash va ularni hal etish, ijtimoiy qo‘llab-quvvatlashga muhtoj ayollar bilan ishlash, bandligini ta’minlash hamda ularning huquq va manfaatlarini himoya qilish borasida amalga oshirilayotgan ishlar ko‘rib chiqildi.

🤝 Shuningdek, xotin-qizlar faoli tomonidan oilaviy muhitni mustahkamlash, ayollar o‘rtasida sog‘lom turmush tarzini targ‘ib qilish, ularni turli kasb-hunarlarga jalb etish va tadbirkorlik tashabbuslarini qo‘llab-quvvatlash yo‘nalishidagi faoliyatiga e’tibor qaratildi.

📋 Mahallada xotin-qizlar bilan ishlash bo‘yicha olib borilayotgan ishlarning manzilliligi, murojaatlarni o‘rganish va muammolarni tegishli tashkilotlar bilan hamkorlikda hal etish holati ham tahlil qilindi.

🌷 O‘rganish yakunlari bo‘yicha xotin-qizlar bilan ishlash samaradorligini yanada oshirish, mavjud muammolarni o‘z vaqtida aniqlash va ularni bartaraf etish yuzasidan tegishli tavsiya va takliflar bildirildi.

💐 Xotin-qizlarning huquq va manfaatlarini himoya qilish, ularni qo‘llab-quvvatlash va jamiyatdagi faolligini oshirish — doimiy e’tiborda!