Xalq deputatlari Toshkent shahar Kengashi deputati Sevara Fayziyeva tashabbusi bilan o‘zi saylangan 45-“Qo‘yliqobod” saylov okrugida joylashgan IIV huzuridagi JIED Birinchi mintaqaviy hudud 23-sonli MUIKda yoshlar bilan ochiq muloqot o‘tkazildi.

🔺 Uchrashuv O‘zbekiston Respublikasi Prezidenti tomonidan rahbarlarning yoshlar bilan uchrashuvlarini tashkil etish bo‘yicha berilgan topshiriqlar ijrosi doirasida tashkil etildi. Unda Ekopartiyaning Yashnobod tuman Kengashi raisi Dildora Mavlyanova, “Katta Qo‘yliq” mahallasi raisi R. Mahkamov, muassasa rahbariyati hamda mahkum yoshlar ishtirok etdi.

🗣 Muloqot davomida yoshlarning muammolari va kelgusidagi rejalari tinglanib, ular uchun yaratilayotgan imkoniyatlar, ta’lim olish, kasb-hunar egallash, mehnat qilish hamda jamiyatga qayta moslashish masalalari haqida atroflicha fikr almashildi.

🔎 Sevara Fayziyeva yoshlar bilan suhbatda har bir inson o‘z hayotida to‘g‘ri xulosa chiqarishi, bilim va kasb egallashi, o‘z ustida ishlashi hamda kelajak uchun yangi maqsadlarni belgilashi muhimligini ta’kidladi.

📋 Uchrashuv doirasida Dildora Mavlyanova tomonidan yoshlarning ruhiy holatini qo‘llab-quvvatlash, o‘ziga bo‘lgan ishonchini mustahkamlash va kelajakka ijobiy qarashini rag‘batlantirishga qaratilgan psixologik trening ham tashkil etildi.

📚 Ochiq muloqotda yoshlar o‘zlarini qiziqtirgan savollar, taklif va mulohazalarini bildirdilar. Deputat tomonidan savollarga javob berilib, uchrashuv yakunida mahkum yoshlarga kitoblar sovg‘a qilindi. Kitob mutolaasining tafakkur va dunyoqarashni boyitishdagi ahamiyati alohida qayd etildi.

🌳 Shuningdek, Sevara Fayziyeva muassasa hududida amalga oshirilgan obodonlashtirish va ko‘kalamzorlashtirish ishlari bilan tanishdi. Tashkil etilgan yashil hududlar ko‘zdan kechirilib, ekologik madaniyatni shakllantirishda bunday tashabbuslarning ahamiyatiga e’tibor qaratildi.

💡 Mazkur tashrif mahalliy Kengash deputatlari faoliyatining 24 ta eng muhim yo‘nalishi doirasida, avvalo, yoshlar bilan ishlash, ularning ta’lim olishi, kasb-hunar egallashi va kelgusidagi bandligiga ko‘maklashish kabi masalalar bilan uyg‘un olib borildi. Shuningdek, deputatlarga biriktirilgan 162 ta muhim qonun ijrosini o‘rganish yo‘nalishidagi vazifalar bilan hamohang ravishda inson huquqlariga rioya etilishi masalalariga e’tibor qaratildi.

🤝 Yoshlar bilan bevosita muloqot qilish, ularning fikrini eshitish, bilim va kasb egallashga rag‘batlantirish hamda jamiyatda munosib o‘rin topishiga ko‘maklashish deputatlik faoliyatining muhim yo‘nalishlaridan biri sifatida davom ettirilmoqda.