AHOLI ELEKTR TA’MINOTINI YAXSHILASH BO‘YICHA AMALIY ISHLAR OLIB BORILMOQDA

Xalq deputatlari Termiz tuman Kengashi 8-Tajribakor saylov okrugi deputati, kotibiyat mudiri A. Avliyakulov tashabbusi bilan M. Eshtemirov MFY hududida elektr ta’minotini yaxshilash bo‘yicha amaliy ishlar olib borilmoqda.

Deputat tashabbusi bilan beton elektr ustunlari o‘rnatilgan ko‘cha hamda hududda qo‘shimcha transformator o‘rnatiladigan joy o‘rganildi.

O‘rganishlar davomida mazkur hududda aholi xonadonlariga yetkazib berilayotgan elektr energiyasi quvvati talabga nisbatan pastligi, ayrim xonadonlarda elektr kuchlanishi yetarli darajada emasligi aniqlangan.

Shu munosabat bilan, aholining elektr ta’minotini yaxshilash, tarmoqdagi yuklamani kamaytirish va xonadonlarga barqaror elektr energiyasi yetkazib berish maqsadida qo‘shimcha transformator o‘rnatish ishlari amalga oshirilmoqda.

Mazkur ishlarning barchasi deputat A. Avliyakulovning tashabbusi va amaliy ko‘magi asosida tashkil etilib, hududdagi fuqarolar murojaatlari asosida muammoni joyida hal etishga qaratilgan.

Aholi manfaatlari — deputat e’tiborida!