Xalq deputatlari Uchquduq tuman Kengashi 1-Altintau saylov okrugi deputati, Korrupsiyaga qarshi kurashish va xavfsizlik masalalari bo'yicha doimiy komissiyasi a'zosi Sh.Nazarova hamda Kengash kotibiyati mudiri M.Kamolova tomonidan deputatlik nazorati doirasida Tuman maktabgacha va maktab ta’limi bo‘limiga qarashli 3-sonli maktabgacha ta’lim tashkilotida qonun hujjatlari ijrosi holati o‘rganildi.

📚 O‘rganish davomida maktabgacha ta’lim tashkilotida ta’lim-tarbiya jarayonining tashkil etilishi, bolalar uchun yaratilgan shart-sharoitlar, ularning xavfsizligi va sog‘lig‘ini muhofaza qilish, sog‘lom ovqatlanishni tashkil etish hamda sanitariya-gigiyena talablariga rioya etilishi holatlariga alohida e’tibor qaratildi.

👧👦 Shuningdek, tarbiyalanuvchilarning ta’lim-tarbiya olishi uchun zarur sharoitlarning yaratilgani, mashg‘ulotlarning belgilangan tartibda olib borilishi hamda pedagog xodimlarning faoliyati bilan bog‘liq masalalar ham ko‘rib chiqildi.

🏫 Tashkilotning moddiy-texnik bazasi, mavjud jihozlar, guruh xonalari va bolalar uchun yaratilgan qulayliklar holati ham o‘rganildi.

📌 O‘rganish yakunlari bo‘yicha aniqlangan holatlar tahlil qilinib, mavjud kamchiliklarni bartaraf etish hamda qonun hujjatlari talablariga rioya etilishini ta’minlash yuzasidan tegishli tavsiyalar berildi.

Deputatlik nazorati — qonunlar ijrosi va aholi manfaatlarini ta’minlashning muhim vositasidir.