Xalq deputatlari Qo‘qon shahar Kengashi deputati Sh.Xasanova tomonidan “Rayhon” mahalla fuqarolar yig‘inida ijtimoiy xodim D.Yusupovaning faoliyati, shuningdek, O‘zbekiston Respublikasining 2020-yil 15-oktyabrdagi O‘RQ-641-sonli “Nogironligi bo‘lgan shaxslarning huquqlari to‘g‘risida”gi Qonuni ijrosini ta’minlash borasida amalga oshirilayotgan ishlar o‘rganildi.

Uchrashuv va o‘rganish jarayonlarida Xalq deputatlari Qo‘qon shahar Kengash kotibiyati bosh mutaxassislari A.Adhamov hamda X.Abdullayevlar tomonidan amaliy ko‘mak ko‘rsatildi.

O‘rganish davomida mahalla ijtimoiy xodimi D.Yusupova tomonidan qonun ijrosini ta’minlash, nogironligi bo‘lgan shaxslarni ijtimoiy qo‘llab-quvvatlash, ehtiyojmand oilalarga manzilli yordam ko‘rsatish hamda fuqarolarga ijtimoiy xizmatlar ko‘rsatish borasida amalga oshirilayotgan ishlar yuzasidan batafsil ma’lumot berildi.

Ma’lum qilinishicha, “Rayhon” MFY hududida joriy yilning o‘tgan davri mobaynida 165 ta oilaga jami 177 million 544 ming so‘mlik oziq-ovqat mahsulotlari va kiyim-kechaklar yetkazib berilgan.

Shuningdek, 44 ta oilaning kommunal to‘lovlarini to‘lashda amaliy yordam ko‘rsatilgani qayd etildi.

Bundan tashqari, 1 nafar nogironligi bo‘lgan fuqaroning xonadoni ta’mirlab berilgani ma’lum qilindi. Ushbu ko‘maklar orqali ehtiyojmand fuqarolarning yashash sharoitlarini yaxshilash va ularni ijtimoiy qo‘llab-quvvatlashga alohida e’tibor qaratilayotgani ta’kidlandi.

O‘rganish davomida nogironligi bo‘lgan shaxslarni ijtimoiy qo‘llab-quvvatlash, ularning salomatligini mustahkamlash, tibbiy-ijtimoiy reabilitatsiya xizmatlarini kengaytirish, shuningdek, sanatoriy va sihatgohlarga bepul yo‘llanmalar ajratish tartibi yuzasidan amalga oshirilayotgan ishlar muhokama qilindi.

Xalq deputatlari Qo‘qon shahar Kengashi