Mahalliy Kengash deputati faoliyatining eng muhim yo‘nalishlari bo‘yicha 24 talik tavsiyalarga asosan, hududdagi hokim yordamchilari tomonidan amalga oshirilayotgan ishlar samaradorligi, xususan, aholini kambag‘allikdan chiqarish, oilalarning daromad manbalarini kengaytirish va bandligini ta’minlash borasidagi ishlar yuzasidan Xalq deputatlari Olmazor tuman Kengash raisi Sh.Umarxodjayeva boshchiligida Xalq deputatlari Olmazor tuman Kengashining Mahalliy byudjetni shakllantirish, tadbirkorlikni rivojlantirish va iqtisodiy islohotlarni amalga oshirish masalalari bo‘yicha doimiy komissiyasi tomonidan o‘rganildi.

O‘rganish davomida aholining muammolarini aniqlash, ehtiyojmand oilalarni qo‘llab-quvvatlash, fuqarolarni kasb-hunarga o‘qitish, tadbirkorlik faoliyatini yo‘lga qo‘yish hamda yangi daromad manbalarini yaratish bo‘yicha amalga oshirilayotgan ishlar yuzasidan mas’ullarning faoliyati tahlil qilindi.

Shuningdek, hokim yordamchilari tomonidan amalga oshirilayotgan ishlarning natijadorligi, manzilliligi va aholi turmush darajasiga ta’siri yuzasidan tegishli savollar berilib, aniqlangan masalalarni bartaraf etish bo‘yicha taklif va tavsiyalar bildirildi.

📌 Asosiy maqsad — aholini kambag‘allikdan chiqarish, ularning barqaror daromad manbalarini yaratish va aholining roziligini ta’minlash.