ISTE’MOLCHILAR HUQUQLARINI HIMOYA QILISH BO‘YICHA O‘RGANISHLAR BELGILANDI

📋 Xalq deputatlari Pastdarg‘om tumani Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi tomonidan O‘zbekiston Respublikasi Vazirlar Mahkamasining 2021-yil 8-fevraldagi 59-son qarori ijrosini tumanda o‘rganish masalasi muhokama qilindi.

🔎 Mazkur qaror bilan tuman hududidagi savdo va xizmat ko‘rsatish obyektlarida iste’molchilarning huquqlarini himoya qilish, ularga tovar va xizmatlar haqida to‘liq hamda ishonchli ma’lumot berilishi, mahsulotlarning sifati va xavfsizligi kabi masalalarni o‘rganish belgilandi.

📌 O‘rganishlar davomida, jumladan:
▪️ tovarning nomi va asosiy xususiyatlari;
▪️ ishlab chiqaruvchi haqidagi ma’lumotlar;
▪️ ishlab chiqarilgan sana va yaroqlilik muddati;
▪️ kafolat muddati mavjudligi;
▪️ zarur ma’lumotlarning davlat tilida berilishi;
▪️ yaroqlilik muddati o‘tgan mahsulotlarning mavjudligi;
▪️ qadoqlash va markirovkalash talablariga rioya etilishi;
▪️ oziq-ovqat mahsulotlarida ishlab chiqarilgan sana va yaroqlilik muddatining ko‘rsatilishi;
▪️ muvofiqlik va sifatni tasdiqlovchi hujjatlarning mavjudligi;
▪️ narxnoma va kassadagi narxlarning muvofiqligi;
▪️ xaridorga kassa cheki yoki boshqa tasdiqlovchi hujjat berilishi holatlari o‘rganiladi.

🤝 Shuningdek, iste’molchilardan kelib tushayotgan murojaatlarni ko‘rib chiqish, ularning buzilgan huquqlarini tiklash, huquqiy tushuntirish va amaliy yordam ko‘rsatish bo‘yicha mas’ul tashkilotlar faoliyati ham tahlil qilinadi.

👥 Qarorga muvofiq, mazkur yo‘nalishda ishchi guruh tuzilib, o‘rganish ishlarini tasdiqlangan savolnoma asosida amalga oshirish vazifasi belgilandi.

📊 O‘rganish yakunlari bo‘yicha ishchi guruhning tahliliy ma’lumoti doimiy komissiya yig‘ilishida muhokama qilinib, aniqlangan kamchiliklarni bartaraf etish yuzasidan tegishli taklif va tavsiyalar ishlab chiqiladi.
📌 Qaror: DKQ 03-01/149-26
📅 Sana: 2026-yil 24-sentabr