Xalq deputatlari Uchquduq tuman Kengashi 6-Tog‘ saylov okrugi deputati, tuman hokimi Uchqun Yelmuratov tomonidan fuqarolar qabuli o‘tkazildi.

🔺 Qabulda korxona va tashkilotlar rahbarlari ham ishtirok etib, murojaatlarda ko‘tarilgan masalalarni joyida muhokama qilish va ularga amaliy yechim topish bo‘yicha tegishli choralar belgilandi.
Qabul davomida o‘ndan ortiq uchquduqlik fuqarolarning murojaat, taklif va muammolari tinglandi.

🔺 Murojaatlarning asosiy qismi bandlik, fuqarolarning huquq va qonuniy manfaatlarini himoya qilish, hududni ijtimoiy rivojlantirish hamda obodonlashtirish masalalariga oid bo‘ldi.

Xususan, O. Saidova Navoiy pedagogika universitetini jismoniy tarbiya fani o‘qituvchisi yo‘nalishi bo‘yicha tamomlaganini bildirib, bandlik masalasida amaliy ko‘mak so‘radi. Murojaat yuzasidan u “Geologlar” qo‘rg‘onidagi 7-sonli DMTTga jismoniy tarbiya bo‘yicha yo‘riqchi lavozimiga ishga yuborildi.

Y. Chechurina ota-onasi xonadoniga doimiy ro‘yxatdan o‘tish masalasida amaliy yordam so‘rab murojaat qildi. Mazkur masala tuman ichki ishlar bo‘limi tomonidan belgilangan tartibda o‘rganilib, qonuniy asosda tegishli ko‘mak ko‘rsatilishi belgilandi.

🔺 D. Baqoyeva “Uchquduq – dehqon bozori” MChJ hududidagi avtomobillar to‘xtash joyini tartibga keltirish yuzasidan taklif bildirdi. Taklif mas’ullar ishtirokida ko‘rib chiqilib, harakat xavfsizligini ta’minlash va avtoturargoh tartibini yaxshilash bo‘yicha choralar belgilandi.

🔹 Fuqarolar murojaatlari — e’tibor va amaliy yechim markazida. Har bir murojaat qonuniylik, ochiqlik va mas’uliyat tamoyillari asosida o‘rganilib, ularning ijobiy hal etilishi yuzasidan tegishli choralar ko‘riladi.