🌱 Issiqxona xo‘jaligi faoliyati o‘rganildi

Xalq deputatlari tuman Kengashi raisi Sh. Eshbayev tomonidan Andijon mahallasida issiqxonachilik yo‘nalishida faoliyat olib borayotgan tadbirkorlik subyektining ish faoliyati bilan tanishildi.

O‘rganish davomida issiqxonada yaratilgan sharoitlar, yetishtirilayotgan mahsulotlar hamda ishlab chiqarish jarayoni ko‘zdan kechirildi. Tadbirkor bilan suhbat davomida issiqxona xo‘jaligini yanada rivojlantirish, mahsulot yetishtirish hajmini oshirish va mavjud imkoniyatlardan samarali foydalanish masalalari muhokama qilindi.

Shuningdek, hududda tadbirkorlik faoliyatini rivojlantirish, yangi ish o‘rinlari yaratish va aholi bandligini ta’minlash borasida amalga oshirilayotgan ishlarning ahamiyati ta’kidlandi.

Issiqxonachilik kabi yo‘nalishlarni qo‘llab-quvvatlash hududda qishloq xo‘jaligi mahsulotlari yetishtirish hajmini oshirish hamda tadbirkorlik faoliyatini kengaytirishga xizmat qiladi.