Xalq deputatlari Qo‘qon shahar Kengashi kotibiyatida Kengashning navbatdagi 29-sessiyasi kun tartibiga kiritilgan masalalardan biri yuzasidan muhokama o‘tkazildi.

Unda O‘zbekiston Respublikasining “Geografik obyektlarning nomlari to‘g‘risida”gi Qonuni hamda Vazirlar Mahkamasining 2012-yil 16-oktyabrdagi 295-son qaroriga muvofiq Qo‘qon shahridagi 850 ta geografik obyekt — ko‘cha, tor ko‘cha va berk ko‘chalarni nomlash borasida amalga oshirilgan ishlar ko‘rib chiqildi.

Mazkur masala yuzasidan Qo‘qon shahar hokimining davlat tili masalalari bo‘yicha maslahatchisi D.Alimova bilan sessiyada ko‘rib chiqish uchun tayyorlangan qaror loyihasi atroflicha muhokama qilindi.

Muhokama davomida qaror loyihasida aks ettirilgan ma’lumotlar, geografik obyektlarni nomlash bo‘yicha amalga oshirilgan ishlarning qonunchilik talablariga muvofiqligi hamda masalani sessiya muhokamasiga sifatli tayyorlash bilan bog‘liq jihatlar ko‘rib chiqildi.

️Shuningdek, qaror loyihasini yanada takomillashtirish, tegishli ma’lumotlarni aniqlashtirish va sessiyaga belgilangan tartibda kiritish yuzasidan fikr va takliflar bildirildi.

Xalq deputatlari Qo‘qon shahar Kengashi