Xalq deputatlari Qo‘qon shahar Kengashi deputati Sh.Rasulova tomonidan fuqaroning murojaati asosida yuborilgan deputatlik so‘roviga Qo‘qon shahar “Inson” ijtimoiy xizmatlar markazidan rasmiy javob kelib tushdi.

Murojaatda “Parpashabof” MFY, Devonbegi ko‘chasi 34-uyda yashovchi fuqaro Bo‘ybosheva Sharifa tomonidan yashash sharoitini yaxshilash, uy-joyini ta’mirlashda amaliy yordam ko‘rsatish yuzasidan murojaat qilingan.

Mazkur murojaat yuzasidan mas’ul xodimlar tomonidan xonadon o‘rganilib, fuqaroning yashash sharoiti, oilaviy holati hamda ijtimoiy ehtiyojlari ko‘rib chiqilgan.

O‘rganish davomida fuqaroning xonadonida doimiy istiqomat qilayotganligi, yashash sharoiti va oilaviy holatiga oid ma’lumotlar o‘rganilgan.

Rasmiy javobda fuqaro “Saxovat va ko‘mak” jamg‘armasi mablag‘lari hisobidan amaliy yordam olgani qayd etilgan. Jumladan, 2026-yil 20-yanvar kuni 2 060 000 so‘m miqdorida kommunal qarzdorligi qoplab berilgan, shuningdek, 2026-yil 28-aprel kuni 2 060 000 so‘m miqdorida kiyim-kechak xarid qilish maqsadida mablag' ajratilgani ma’lum qilingan.

Shuningdek, uy-joyni ta’mirlash masalasi bo‘yicha murojaat tegishli tartibda o‘rganilib, uy-joyni ta’mirlash bilan bog‘liq ayrim ijtimoiy yordamlarni rasmiylashtirish uchun zarur hujjatlar va shartlar bo‘yicha tushuntirishlar berilgan.

Rasmiy javobda fuqaroning “Ayollar daftari”ga kiritilganligi hamda mazkur tizim orqali uy-joyini ta’mirlash masalasida qayd etilgani bildirilgan.

Shu tariqa, fuqaroning murojaati tegishli tartibda o‘rganilib, unga amaliy yordam ko‘rsatilgan hamda uy-joyini ta’mirlash masalasini hal etish bo‘yicha tegishli tartib va imkoniyatlar tushuntirilgan.

Xalq deputatlari Qo‘qon shahar Kengashi