Президент Шавкат Мирзиёевнинг Қорақалпоғистонга ташрифи ҳудуд тараққиётининг янги устувор йўналишларини белгилаб берди. • 24 сентября в 9:43

2026-йил 18–19 сентябрьда Президент Шавкат Мирзиёевнинг Қорақалпоғистонга ташрифи ҳудуд иқтисодиётини ривожлантириш учун 7,6 миллиард долларлик янги лойиҳаларга старт берди. Ушбу ишлар саноат, «яшил» энергетика ва инвестициялар соҳасида имкониятлар очиб, аҳоли бандлигини таъминлашга қаратилган.

   •  Таълим ва тиббиёт соҳаларида замонавий касбларни ўргатиш ва юқори технологияли даволаш усулларини кенгайтириш вазифалари белгиланди.

   •  Нукус шаҳридаги ободонлаштириш ишлари ва тадбиркорлик шароитларини яхшилаш ҳудуд тараққиётига салмоқли таъсир келтирмоқда.

Cocoon AI Summary

2026 йил 18–19 сентябрь кунлари Президент Шавкат Мирзиёев Қорақалпоғистон Республикасига ташриф буюриб, ҳудудда амалга оширилаётган ислоҳотлар, бунёдкорлик ишлари ва аҳоли учун яратилаётган шароитлар билан танишди. Ташриф давомида Қорақалпоғистоннинг иқтисодий салоҳиятини янада юксалтириш, янги иш ўринлари яратиш ва халқ фаровонлигини оширишга қаратилган муҳим вазифалар белгиланди.

Бугун Қорақалпоғистонда инвестициялар, замонавий ишлаб чиқариш ва «яшил» энергетика соҳаларида янги имкониятлар очилмоқда. Ташриф доирасида умумий қиймати 7,6 миллиард долларлик лойиҳалар ишга туширилиши ва янги қувватлар қурилишига старт берилди. Бу лойиҳалар ҳудуд иқтисодиётини диверсификация қилиш, саноатни ривожлантириш ва аҳоли бандлигини таъминлашга хизмат қилиши кўзда тутилган.

Ташрифда таълим ва тиббиёт соҳаларига ҳам алоҳида эътибор қаратилди. Ёшларга замонавий касбларни эгаллаш учун шароит яратиш, тиббий хизматлар сифатини ошириш ва юқори технологик даволаш усулларини кенгайтириш бўйича амалий вазифалар белгилаб берилди. Бу йўналишлар инсон қадрини таъминлаш ва келажак авлод учун муносиб имкониятлар яратишда муҳим аҳамият касб этади.

Нукус шаҳридаги ободонлаштириш ишлари, янгиланган кўчалар ва тадбиркорлик учун яратилган шароитлар ҳудуд қиёфаси ўзгараётганини кўрсатмоқда. Айниқса, аҳоли билан мулоқот қилиш, маҳаллаларда қулай муҳит яратиш, тозалик ва ободликни кундалик маданиятга айлантириш зарурлиги таъкидланди.

Қорақалпоғистоннинг бугунги тараққиёти — изчил ислоҳотлар, халқнинг ташаббускорлиги ва яратилаётган янги имкониятлар самарасидир. Президент ташрифи давомида белгиланган вазифалар ҳудуднинг иқтисодий ва ижтимоий салоҳиятини янада ривожлантириш, ҳар бир оила фаровонлигини ошириш ва юрт келажаги учун мустаҳкам пойдевор яратишга қаратилган.

А.Абдижалиева
Халқ депутатлари Хўжайли туман Кенгаши депутати