🇺🇿 Xalq deputatlari Parkent tuman Kengashiga 4-“Bo‘ston” saylov okrugidan saylangan deputat Usipxodjayev Yerlan Ormanovich tomonidan Parkent tumani FHDYO bo‘limining faoliyati o‘rganildi.
FHDYO bo‘limi fuqarolarning hayotidagi muhim huquqiy jarayonlarni rasmiylashtirishda muhim o‘rin tutadi. Bo‘lim orqali fuqarolarga:
nikohni qayd etish;
tug‘ilganlikni qayd etish;
nikohdan ajralishni qayd etish;
o‘limni qayd etish;
fuqarolik holati dalolatnoma yozuvlariga o‘zgartirish, tuzatish va qo‘shimchalar kiritish;
fuqarolik holati dalolatnoma yozuvlari asosida takroriy guvohnoma va ma’lumotnomalar berish kabi xizmatlar ko‘rsatiladi.
O‘rganish davomida bo‘limda fuqarolar murojaatlarini ko‘rib chiqish, xizmatlardan foydalanish imkoniyatlari hamda aholiga xizmat ko‘rsatish jarayonlari bilan tanishildi.
✅ Asosiy e’tibor — fuqarolarga qulay, tezkor va sifatli xizmat ko‘rsatish, murojaatlarni belgilangan tartibda ko‘rib chiqish hamda FHDYO xizmatlaridan foydalanish imkoniyatlarini yanada yaxshilashga qaratildi.
🔥 FHDYO xizmatlari — fuqarolarning muhim hayotiy voqealarini huquqiy jihatdan rasmiylashtirishda muhim ahamiyatga ega.