Xalq deputatlari Chilonzor tumani Kengashi deputati tomonidan Qatortol mahallasida joylashgan 7-sonli davlat maktabgacha ta’lim muassasasi hududidagi mavjud infratuzilma muammolari o‘rganilgan edi.

O‘rganish davomida ichki yo‘laklar va asfalt qoplamalarining shikastlangani, bordyurlar buzilgani hamda kirish qismidagi zinapoya va yo‘laklarning ta’mirtalab holatda ekani aniqlangandi.

📝 ANIQLANGAN MUAMMOLAR YUZASIDAN DEPUTAT SO‘ROVI YUBORILDI!

Mazkur masalalar yuzasidan Chilonzor tuman hokimining qurilish, to‘siqlarsiz muhit yaratish, kommunikatsiyalarni rivojlantirish, ekologiya va ko‘kalamzorlashtirish masalalari bo‘yicha o‘rinbosari K.K. Xamrayevga deputat so‘rovi yo‘llandi.

Deputat so‘rovida quyidagi masalalar bo‘yicha amaliy choralar ko‘rish so‘raldi:

🔹 Ichki yo‘laklar va asfalt qoplamalarini ta’mirlash;

🔹 Shikastlangan bordyurlarni tiklash;

🔹 Kirish qismidagi zinapoya va yo‘laklarni ta’mirlash;

🔹 Tarbiyalanuvchilar va ota-onalar uchun xavfsiz hamda to‘siqlarsiz harakatlanish muhitini yaratish.

📌 Deputat so‘rovi orqali muammolar mas’ul tashkilotlar e’tiboriga yetkazilib, ularni bartaraf etish yuzasidan amaliy choralar ko‘rish so‘raldi.

Deputatlik nazorati doirasida mazkur masala yuzasidan ko‘rilgan choralar va natijalar nazoratga olinadi.