📍 Shovot tumani Asavey mahallasida aholi bilan ishlash, ijtimoiy himoyaga muhtoj fuqarolarni qo‘llab-quvvatlash hamda ularga ko‘rsatilayotgan ijtimoiy xizmatlar holati o‘rganildi.
🤝 O‘rganish jarayonida Xalq deputatlari Shovot tumani Kengashi deputati, “Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi raisi Dosova Gulxumar Kuranbayevna hamda Kengash kotibiyati bosh mutaxassisi U. Ro‘zmetov ishtirok etdi.
👥 O‘rganish davomida mahalladagi ijtimoiy xodimning faoliyati, fuqarolarning murojaatlari bilan ishlash, ehtiyojmand oilalarni aniqlash, ularning muammolarini o‘rganish hamda tegishli ijtimoiy xizmatlardan foydalanishiga ko‘maklashish borasidagi ishlar ko‘rib chiqildi.
📋 Shuningdek, ijtimoiy himoyaga muhtoj fuqarolar bilan individual ishlash, ularning mavjud muammolarini tegishli tashkilotlar bilan hamkorlikda hal etish hamda ko‘rsatilayotgan xizmatlarning samaradorligini oshirish masalalariga e’tibor qaratildi.
🔎 O‘rganish yakunlari bo‘yicha aniqlangan masalalar yuzasidan tegishli tavsiyalar berilib, ijtimoiy xizmatlarni yanada sifatli tashkil etish bo‘yicha zarur choralarni ko‘rish belgilandi.
🤝 Aholining ijtimoiy himoyasini kuchaytirish va fuqarolar murojaatlarini o‘z vaqtida hal etish deputatlik nazoratining muhim yo‘nalishlaridan biridir.