Bino zamonaviy mebel va jihozlar bilan ta’minlanib, xodimlarning samarali faoliyat yuritishi uchun zarur sharoitlar yaratilgan.

Loyiha qiymati 9 milliard 500 million so‘mni tashkil etgan mazkur bino 0,50 gektar yer maydonida joylashgan bo‘lib, uch qavat hamda yerto‘la qismidan iborat. Qurilish ishlari «Otabek S» qurilish tashkiloti tomonidan qisqa muddatda — 6 oyda amalga oshirildi.

Qayd etish joizki, so‘nggi to‘qqiz yil davomida viloyatda markazlashgan ichimlik suvi bilan ta’minlanganlik darajasi 47,1 foizdan 68,5 foizga yetkazildi. Bu borada amalga oshirilayotgan keng ko‘lamli loyihalar suv ta’minoti tizimining qamrovini kengaytirish va xizmatlar sifatini oshirishga xizmat qilmoqda.

Tadbirda yangi ma’muriy binoning suv ta’minoti tizimi faoliyatini yanada samarali tashkil etish va xodimlar uchun munosib mehnat sharoitlarini ta’minlashdagi ahamiyati ta’kidlandi.