O‘zbekiston Respublikasi Prezidenti huzurida 2026-yil 7-aprel kuni o‘tkazilgan videoselektorda belgilangan topshiriqlar ijrosini ta’minlash maqsadida Xalq deputatlari Sirdaryo viloyati Kengashining 40-sessiyasida deputatlar tomonidan Sirdaryo viloyatida sportni rivojlantirishga oid dasturlar ijrosini ta’minlash yuzasidan Oqoltin tumanida viloyati hokimligi yoki “Tashabbusli budjet” dasturi orqali zamonaviy sport zali qurish taklifi bildirilgan.

Xalq deputatlari tuman Kengashi deputatlari A.Uljayeva va D.Egamqulovalar tomonidan Oqoltin tumani Sport maktabi hududida zamonaviy sport zali qurishga sharoitlar bor yo‘qligi o‘rganildi.

O‘rganish davomida Oqoltin tumani Sport maktabi hududida bo‘sh joy mavjudligi aniqlandi. Deputatlar tomonidan tegishli mutasaddi rahbarlar bilan hamkorlikda masalani ijobiy hal etishda zarur choralarni ko‘rish belgilab olindi.