Davlat yer kadastri to‘g‘risidagi qonun ijrosi o‘rganildi

Xalq deputatlari Termiz tuman Kengashi 1-Xalqobod saylov okrugi deputati N. Ro‘ziyeva saylangan Xalqobod MFY mahalla yettiligi faoliyati Kengash mutaxassisi A. Abdullayeva bilan birgalikda o‘rganildi.

O‘rganish davomida “Davlat yer kadastri to‘g‘risida”gi O‘zbekiston Respublikasi Qonuni talablarining mahalla hududida ijro etilishi, yer maydonlaridan foydalanish va yer-kadastr ma’lumotlarini yuritish holati ko‘rib chiqildi.

Shuningdek, mahalla yettiligi tomonidan fuqarolarning yer-kadastr masalalariga oid murojaatlarini ko‘rib chiqish, mavjud muammolarni aniqlash hamda qonunchilik talablari asosida hal etish borasidagi ishlar tahlil qilindi.

O‘rganish yakunida qonun ijrosini ta’minlash, aniqlangan masalalarni bartaraf etish hamda fuqarolarga yer-kadastr masalalarida zarur tushuntirishlar berish yuzasidan tegishli tavsiyalar berildi.