Yangi O‘zbekiston qiyofasini mahallalardan boshlab shakllantirish, aholi uchun qulay yashash muhitini yaratish, hududlarni obod va ko‘rkam maskanlarga aylantirish borasidagi ishlar izchil davom ettirilmoqda.

Davlatimiz rahbari raisligida o‘tkazilgan videoselektor yig‘ilishida belgilangan vazifalar ijrosini ta’minlash maqsadida Xalq deputatlari Termiz shahar Kengashi raisi, 9-“Abdulla Avloniy” saylov okrugi deputati D.Normuradova hamda kotibiyat bosh mutaxassisi A.Temirov tomonidan "Abdulla Avloniy" mahallasida obodonlashtirish va bunyodkorlik ishlari ko‘zdan kechirildi.

Xususan, ko‘chalar va ichki yo‘llarning holati, sanitariya va obodonlik, ko‘kalamzorlashtirish, ko‘cha va jamoat joylarini tartibga keltirish, yoritish hamda infratuzilma holati hamda aholi uchun qulay shart-sharoitlar yaratish masalalariga e’tibor qaratildi.

Shuningdek, mahalla faoliyatini baholashning "24 ta eng muhim yo‘nalishi va mezoni" asosida hududdagi ishlar tahlil qilindi.

Jarayonda shahar bosh arxitektori M.Boynazarov bilan muloqot qilinib, “Abdulla Avloniy” mahallasining zamonaviy va ko‘rkam qiyofasini shakllantirish, ko‘chalar hamda jamoat joylarini tartibga keltirish, hududni zamonaviy shaharsozlik talablari asosida rivojlantirish bo‘yicha takliflar bildirildi.

Asosiy maqsad — hududning tashqi qiyofasini yaxshilash bilangina cheklanmay, aholining kundalik hayotiga qulaylik yaratish, farovonligini oshirish va munosib yashash sharoitlarini ta’minlash.

Obod mahalla — farovon hayot. Farovon mahalla — Yangi O‘zbekistonning munosib qiyofasi!
Mazkur yo‘nalishdagi ishlar deputatlik nazoratida izchil davom ettiriladi.