Xalq deputatlari Qo‘qon shahar Kengashiga “Noib ko‘prigi” saylov okrugidan saylangan deputat M.Yunusov tomonidan O‘zbekiston Respublikasining 1996-yil 29-avgustdagi O‘RQ-265-I-sonli “Fuqarolar sog‘lig‘ini saqlash to‘g‘risida”gi Qonuni ijrosini ta’minlash yuzasidan shahardagi 11-sonli oilaviy poliklinika faoliyati o‘rganildi.

O‘rganish davomida aholiga tibbiy xizmat ko‘rsatish sifati, fuqarolarning zarur dori-darmon vositalaridan foydalanish imkoniyatlari hamda davlat tomonidan bepul taqdim etilishi belgilangan dori vositalari bilan ta’minlash holatiga alohida e’tibor qaratildi.

Xususan, davlat tomonidan aholiga bepul berilishi belgilangan 24 turdagi dori-darmon vositalari bilan ta’minlanganlik holati o‘rganildi. Mazkur dori vositalarining poliklinikada mavjudligi, ularning belgilangan talablar asosida saqlanishi hamda ehtiyojmand fuqarolarga o‘z vaqtida va belgilangan tartibda yetkazib berilishi masalalari ko‘rib chiqildi.

Shuningdek, dori-darmon vositalarining hisobini yuritish, ularni fuqarolarga shifokor tavsiyasi va amaldagi tartiblar asosida yetkazib berish jarayoni bilan bog‘liq masalalar yuzasidan mas’ullar bilan fikr almashildi.

O‘rganish yakunida aholining dori-darmon vositalariga bo‘lgan ehtiyojini o‘z vaqtida aniqlash, davlat tomonidan bepul taqdim etiladigan dori vositalarining mavjudligini ta’minlash va ularni fuqarolarga belgilangan tartibda yetkazib berish bo‘yicha tegishli tavsiya va takliflar bildirildi.

Xalq deputatlari Qo‘qon shahar Kengashi