Xalq deputatlari Qo‘qon shahar Kengashi kotibiyati mudiri A.Nosirov tomonidan shahar Kengashining navbatdagi sessiyasi kun tartibiga kiritilgan Qo‘qon shahrida “Soya-salqin sayr ko‘chasi”ni barpo etish to‘g‘risidagi masala yuzasidan o‘rganish ishlari olib borildi.

O‘rganish davomida Muqimiy shaharchasi, Sangzor ko‘chasida “Soya-salqin sayr ko‘chasi”ni barpo etish uchun tanlangan hudud ko‘zdan kechirildi. Hududning mavjud holati, sayr ko‘chasini tashkil etish imkoniyatlari hamda fuqarolar uchun qulay sharoitlar yaratish masalalari muhokama qilindi.

Shuningdek, o‘rganish jarayonida sohaga mas’ul mutaxassislar bilan suhbat o‘tkazilib, hududni obodonlashtirish, ko‘kalamzorlashtirish, piyodalar uchun qulay va xavfsiz sharoit yaratish hamda loyihani amalga oshirish bilan bog‘liq masalalar yuzasidan fikr almashildi.

O‘rganish yakunlari bo‘yicha “Soya-salqin sayr ko‘chasi”ni barpo etish masalasini sifatli tashkil etish, hududdan samarali foydalanish va aholi uchun qulay sayr hududini yaratishga qaratilgan takliflar shakllantirildi.

Xalq deputatlari Qo‘qon shahar Kengashi