Xalq deputatlari Parkent tuman Kengashiga 3-“Bog‘bon” saylov okrugidan saylangan deputat To‘layev Eldor Zafaritdin o‘g‘li tomonidan “Qayilma” mahalla fuqarolar yig‘inida xotin-qizlar bilan ishlash yo‘nalishida olib borilayotgan faoliyat deputatlik nazorati doirasida o‘rganildi.
O‘rganish jarayonida mahallada xotin-qizlarning muammolarini aniqlash va ularni hal etish, ijtimoiy himoyaga muhtoj ayollarni qo‘llab-quvvatlash, bandligini ta’minlash hamda tadbirkorlik faoliyatiga jalb etish borasida amalga oshirilayotgan ishlar ko‘rib chiqildi.
Shuningdek, mahalla xotin-qizlar faoli Mirsoliqova Manzura tomonidan xotin-qizlarning ijtimoiy-siyosiy faolligini oshirish, ularni bandlikka yo‘naltirish, ta’lim va tadbirkorlikka jalb etish borasida amalga oshirilayotgan ishlar yuzasidan ma’lumot berildi.
 Bandlik va tadbirkorlik yo‘nalishida:
 3 nafar xotin-qiz ish bilan ta’minlangan;
 3 nafar xotin-qizga tadbirkorlik faoliyatini yo‘lga qo‘yish uchun 30 million so‘m, shuningdek, gulchilikni rivojlantirish uchun 30 million so‘m, jami 60 million so‘m kredit mablag‘lari ajratilgan;
 3 nafar xotin-qiz kasb-hunarga o‘qitilib, o‘quv kurslarini yakunlaganidan so‘ng ularga tegishli sertifikatlar berilgan hamda o‘zini o‘zi band qilishi uchun amaliy ko‘mak ko‘rsatilgan.
🏠 Oilalarni qo‘llab-quvvatlash borasida:
Ajrim yoqasida turgan 6 ta oilaning muammolari o‘rganilgan;
Mahalla yarashtiruv komissiyasi bilan hamkorlikda olib borilgan ishlar natijasida 4 ta oila yarashtirilgan;
Qolgan 2 ta oila bilan yarashtirish choralari davom ettirilmoqda.
Deputat tomonidan xotin-qizlar faoli faoliyatining samaradorligiga alohida e’tibor qaratilib, oilaviy muhitni mustahkamlash, ijtimoiy himoyaga muhtoj xotin-qizlarni qo‘llab-quvvatlash, ularning bandligini ta’minlash, kasb-hunarga o‘rgatish hamda tadbirkorlik faoliyatiga jalb etish borasida amalga oshirilayotgan ishlar yuzasidan fikr almashildi. 💬
O‘rganish yakunida mahallada xotin-qizlar bilan ishlash tizimini yanada takomillashtirish, ularning ijtimoiy faolligini oshirish, bandligini ta’minlash va mavjud muammolarni manzilli hamda tizimli ravishda hal etishga qaratilgan ishlarni izchil davom ettirish yuzasidan tegishli taklif va tavsiyalar berildi.
 Xotin-qizlarni qo‘llab-quvvatlash — oilalar farovonligi va jamiyat taraqqiyotining muhim omilidir.