Xalq deputatlari Uzun tumani Kengashining ish rejasi ijrosi: Bahoriston MFYda muhim o'rganishlar olib borildi

Xalq deputatlari Uzun tumani Kengashi raisi D.Safarova o'zining deputatlik faoliyati hamda Kengashning doimiy komissiyalari raislari bilan birgalikda Bahoriston MFY hududida amaliy o'rganishlar tashkil etdi.

Mazkur tadbir Kengashning tasdiqlangan ish reja ijrosini o'z vaqtida va sifatli bajarilishini ta'minlash, shuningdek, mahallada infratuzilmani tubdan yaxshilash borasida amalga oshirilayotgan ishlarni yaqindan nazorat qilish maqsadida o'tkazildi.

O'rganish jarayonida hududdagi mavjud muammolar, aholining murojaatlari hamda yo'llar, elektr energiyasi, ichimlik suv ta'minoti va boshqa ijtimoiy sohalardagi ishlar holati atroflicha ko'rib chiqildi.

Mas'ullar tomonidan aniqlangan kamchiliklarni bartaraf etish yuzasidan mutasaddi tashkilot rahbarlariga tegishli ko'rsatmalar berilib, ijrosi qat'iy nazoratga olinishi belgilandi.