Xalq deputatlari Termiz shahar Kengashining navbatdagi 25-sessiyasida budjet mablag‘laridan samarali foydalanish, qo‘shimcha moliyaviy manbalarni yo‘naltirish hamda hudud infratuzilmasini rivojlantirishga qaratilgan muhim masalalar ko‘rib chiqilmoqda.

📌 Sessiya kun tartibidagi masala doirasida jamoatchilik fikri asosida “Ochiq budjet” axborot portali orqali 2026-yil 2-mavsumida o‘tkazilgan tashabbusli budjet jarayonida g‘olib deb topilgan loyihalarni tanlab olish va Fuqarolar tashabbusi jamg‘armasi hisobidan moliyalashtirish, shuningdek, O‘zbekiston Respublikasi qonunchiligiga muvofiq, KQ-666-IV-sonli qarorning 40-bandi talablari asosida shahar mahalliy budjetining qo‘shimcha manbalari hisobidan qo‘shimcha g‘olibni aniqlash masalasi muhokama qilinmoqda.

Shuningdek, O‘zbekiston Respublikasi Oliy Majlisi Senati Kengashining 2025-yil 17-dekabrdagi KQ-280-V-sonli qarorining 403-bandiga asosan deputat tashabbusi loyihasi sifatida qo‘shimcha ravishda g‘olib deb topilgan loyihalar to‘g‘risidagi masala ham ko‘rib chiqilmoqda.

🎙 Mazkur masala yuzasidan ma’ruza qilish uchun so‘z Xalq deputatlari Termiz shahar Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi a’zosi Xo‘jayeva Sayyora Zoirovnaga berildi.

💬 Muhokama davomida deputatlar tomonidan loyihalarni moliyalashtirishda mablag‘larning maqsadli va samarali sarflanishi, infratuzilma loyihalarining amaliy natijadorligi hamda aholi uchun muhim bo‘lgan tashabbuslarni qo‘llab-quvvatlash yuzasidan fikr va takliflar bildirilib, masala atroflicha muhokama qilinmoqda.