Mahalliy Kengash deputati faoliyatining eng muhim yo‘nalishlari bo‘yicha tavsiyalarning 11-band ijrosi yuzasidan o‘rganish olib borildi. Xalq deputatlari Chilonzor tumani Kengashi deputati Ahmedov Shuhrat Murotovich tomonidan mahalla hududida joylashgan 317-sonli maktabgacha ta’lim muassasasi hamda 188-sonli umumiy o‘rta ta’lim maktabida o‘rganish ishlari olib borildi.
O‘rganish davomida muassasalar rahbariyati bilan uchrashilib, binolarda yaratilgan shart-sharoitlar, isitish tizimi, elektr ta’minoti, suv va boshqa kommunikatsiya tizimlarining holati ko‘zdan kechirildi.
Shuningdek, kuz-qish mavsumida ta’lim muassasalarining barqaror va xavfsiz faoliyat yuritishini ta’minlash, aniqlangan kamchiliklarni o‘z vaqtida bartaraf etish hamda bolalar va o‘quvchilar uchun yanada qulay muhit yaratish bo‘yicha tegishli tavsiyalar berildi.
Xalq deputatlari Chilonzor tumani Kengashi deputatlari tomonidan ta’lim muassasalaridagi mavjud muammolarni aniqlash va ularning yechimini ta’minlash borasidagi o‘rganishlar davom ettiriladi.