Xalq deputatlari Qo‘qon shahar Kengashi deputati Sh.Dehqonov tomonidan o‘z saylov okrugi hududida joylashgan “G‘ishtli masjid” mahalla fuqarolar yig‘inida ijtimoiy reyestrga kiritilgan fuqarolarning xonadonlarida o‘rganish ishlari olib borildi.

O‘rganishlar davomida fuqarolarning ijtimoiy va moddiy holati, mavjud muammolari, daromad manbalari hamda bandligini ta’minlash imkoniyatlari o‘rganilib, ularni ijtimoiy reyestrdan chiqarish bo‘yicha amaliy choralar belgilandi.

Jumladan, Movarounnahr ko‘chasi, 57-A-uyda yashovchi, “Kambag‘allik reyestri”ga kiritilgan fuqaro Turdimatov Tolibjonning murojaati va oilaviy sharoiti o‘rganildi. Deputat Sh.Dehqonovning ko‘magida fuqaroga 10 million 800 ming so‘m miqdorida ssuda ajratilib, mazkur mablag‘ hisobidan yuk tashuvchi skuter olib berilishiga amaliy yordam ko‘rsatildi.

Natijada fuqaroning o‘zini o‘zi band qilishi va doimiy daromad manbaiga ega bo‘lishi uchun zarur sharoit yaratilib, “Kambag‘allik reyestri”dan chiqarilishiga erishildi.

Mazkur amaliy ishlar orqali fuqarolarni ijtimoiy qo‘llab-quvvatlash bilan bir qatorda, ularning mustaqil daromad topishi, bandligini ta’minlash va oilaviy farovonligini oshirishga alohida e’tibor qaratilayotgani namoyon bo‘ldi.

Xalq deputatlari Qo‘qon shahar Kengashi