Xalq deputatlari tuman Kengashining 2026-yilga mo‘ljallangan ish rejasiga muvofiq O‘zbekiston Xalq demokratik partiyasidan saylangan deputat J.Sadirov tumandagi “Soyliq” oilaviy shifokorlik punkti faoliyati, aholiga tibbiy xizmat ko‘rsatish sifati, tibbiy muassasaning moddiy-texnik holati hamda kuz-qish mavsumiga tayyorgarlik jarayoni o‘rganildi.

🔻O‘rganish davomida oilaviy shifokorlik punktida aholiga birlamchi tibbiy-sanitariya yordamini ko‘rsatish, fuqarolarni qabul qilish va tibbiy xizmatlarni zamonaviy yondashuvlar asosida tashkil etish bo‘yicha ishlar yo‘lga qo‘yilgani qayd etildi. Shuningdek, muassasa faoliyatida raqamlashtirish jarayonlari joriy etilgani, tibbiy xizmatlarni elektron shaklda tashkil etishga alohida e’tibor qaratilayotgani ma’lum qilindi. Aholiga dori vositalarini tayinlash jarayonida elektron retseptlar tizimi ham yo‘lga qo‘yilgan bo‘lib, bu tibbiy xizmat ko‘rsatish jarayonini yanada qulay va shaffof tashkil etishga xizmat qilmoqda.

🔻Muassasaning kuz-qish mavsumiga tayyorgarlik holati ham ko‘zdan kechirildi. O‘rganish jarayonida qish mavsumi uchun zarur ko‘mir zaxirasi mavjudligi aniqlanib, isitish mavsumini barqaror o‘tkazish uchun zarur choralar ko‘rilgani qayd etildi. Kadrlar bilan ta’minlanganlik holati ham o‘rganilib, oilaviy shifokorlik punktida belgilangan 4 ta shifokorlik shtat birligidan 3 tasi band qilingani ma’lum bo‘ldi. Mavjud tibbiy xodimlar tomonidan aholiga xizmat ko‘rsatish ishlari amalga oshirilmoqda.

🔻Shu bilan birga, aholiga tibbiy xizmat ko‘rsatish sifatini yanada oshirish, raqamlashtirish jarayonlaridan samarali foydalanish, elektron retseptlar tizimining uzluksiz ishlashini ta’minlash hamda mavjud bo‘sh shifokorlik shtat birligini to‘ldirish masalalariga e’tibor qaratish bo‘yicha mas’ullarga tavsiyalar berildi.