#24_másele
#21_sanlı_Qarakól_saylaw_okrugi
#Adolat_social_demokratik_partiyası

✅ Deputat máhállede kóshe-kóshe júrip, bar mashqalalardı úyrendi.

⚡️ Deputat S.Abdieva óziniń saylaw okrugindegi máhállede xalıq penen júzbe-júz pikirlesiw, puqaralardı qıynap kiyatırǵan mashqalalardı anıqlaw hám olardıń sheshimin tabıw maqsetinde kóshe-kóshe júrip, úyreniw jumısların alıp bardı.

Úyreniw dawamında máhálledegi ishki jollardıń jaǵdayı, ishimlik suwı hám elektr energiyası támiynatı, abadanlastırıw jumısları, kóshelerdiń tazalıǵı hám xalıq ushın jaratılǵan sharayatlar kózden ótkerildi. Sonday-aq, puqaralar menen sáwbetler ótkerilip, olardıń kúndelikli turmısında ushırasıp atırǵan mashqalaları, usınıs hám baslamaları tıńlandı.

Xalıq tárepinen bildirilgen múrájatlar hár tárepleme úyrenilip, olardı sheshiw boyınsha tiyisli ilajlardı belgilew, juwapker shólkemler menen birgelikte jumıs alıp barıw máseleleri dodalandı.

Deputat anıqlanǵan mashqalalardı basqıshpa-basqısh sheshiw, xalıqtıń múrájatların itibardan shette qaldırmaw hám olardıń orınlanıwın qadaǵalaw boyınsha wazıypalardı belgilep aldı.

Bunday úyreniwler xalıq penen turaqlı qarım-qatnastı bekkemlew, máhálledegi mashqalalardı óz waqtında anıqlaw hám puqaralardıń turmıs sharayatın jaqsılawǵa xızmet etedi.