Do‘stlik mahallasida xotin-qizlar bilan ishlash samaradorligi tahlil qilindi

Do‘stlik mahalla fuqarolar yig‘inida xotin-qizlar faoli tomonidan amalga oshirilayotgan ishlar samaradorligi 24 ta tavsiya asosida o‘rganildi.
Mazkur o‘rganish va nazorat-tahlil ishlari tuman Kengashi kotibiyat mudiri B. Amanov tomonidan amalga oshirildi.
O‘rganish davomida xotin-qizlarni qo‘llab-quvvatlash, ularning bandligini ta’minlash, ijtimoiy muammolarini hal etish, ehtiyojmand xotin-qizlarga amaliy ko‘mak ko‘rsatish hamda mahallada olib borilayotgan profilaktik ishlar holati tahlil qilindi.
Shuningdek, belgilangan 24 ta tavsiyaning ijrosi, amalga oshirilgan ishlar va mavjud kamchiliklar atroflicha ko‘rib chiqilib, aniqlangan muammolarni bartaraf etish yuzasidan mas’ullarga tegishli tavsiya va ko‘rsatmalar berildi.