Xalq deputatlari Chilonzor tumani Kengashi deputatlari tomonidan 2026-yilning 8 oyi davomida saylovchilar murojaatlari va hududlarda aniqlangan muammolarni o‘rganish, ularni mas’ul tashkilotlar oldiga olib chiqish hamda amaliy yechim topish maqsadida qator deputat so‘rovlari yuborildi.
📊 8 oy davomida jami 76 ta deputat so‘rovi yo‘llanib, ularning ijro holati tahlil qilindi.
Tahlil natijalariga ko‘ra:
🔹35 ta deputat so‘rovi ijobiy hal etilgan;
🔹 21 ta so‘rov bo‘yicha muammolar qisman bartaraf etilgan;
🔹 9 ta holatda qonuniy tushuntirish berilgan;
🔹 2 ta so‘rovga javob berilmagan;
🔹 2 ta so‘rov bo‘yicha javob berish muddati davom etmoqda;
🔹 7 ta so‘rovga belgilangan muddatdan kechikib javob berilgan.
🏘 Deputat so‘rovlarida hududlarni obodonlashtirish, yo‘l va piyodalar infratuzilmasi, ko‘p qavatli uylarning holati, kommunal xizmatlar, elektr ta’minoti, chiqindilarni olib chiqish, hududlarni yoritish va aholini qiynayotgan boshqa dolzarb masalalar o‘z aksini topgan.
🤝 Har bir deputat so‘rovi — saylovchilar murojaatining amaliy ifodasi. Muammoni aniqlash, uni tegishli tashkilotlar oldiga qo‘yish va natijasini nazorat qilish deputatlik faoliyatining muhim yo‘nalishlaridan biridir.
Xalq deputatlari Chilonzor tumani Kengashi tomonidan ijrosi ta’minlanmagan va javobsiz qolgan deputat so‘rovlari yuzasidan tegishli tashkilotlar bilan ishlar davom ettirilmoqda.
8 oylik faoliyat — raqamlar emas, avvalo aholi muammolarini hal etishga qaratilgan amaliy ishlar natijasidir.