Xalq deputatlari Oltinsoy tumani Kengashining 19-“Xidirsho” saylov okrugi deputati Qurbaniyazov Yusup Xolmuminovich tomonidan saylov okrugiga qarashli “Dug‘oba” mahallasida hududni obodonlashtirish va ko‘kalamzorlashtirish borasida amalga oshirilayotgan ishlar deputatlik nazorati doirasida o‘rganilmoqda.

O‘rganish davomida mahallaning “Yangi O‘zbekiston qiyofasi”ga keltirish sanitariya-obodonlashtirish holati, ichki ko‘chalar va umumiy foydalanishdagi hududlarning tozaligi, hududlarni ko‘kalamzorlashtirish hamda obodonlashtirish ishlarining borishiga alohida e’tibor qaratildi.

Shuningdek, mahallada aholi uchun qulay va munosib yashash sharoitlarini yaratish, hududning tashqi ko‘rinishini yaxshilash, mavjud kamchiliklarni aniqlash va ularni bartaraf etish bo‘yicha amalga oshirilayotgan ishlar joyiga chiqqan holda ko‘zdan kechirildi.

O‘rganish jarayonida aniqlangan masalalar yuzasidan mas’ullarga tegishli tavsiya va ko‘rsatmalar berilib, obodonlashtirish ishlarini sifatli va belgilangan muddatlarda amalga oshirish, hududni doimiy ravishda toza va ozoda saqlash zarurligi ta’kidlandi.

Deputat tomonidan mahallada amalga oshirilayotgan obodonlashtirish ishlarining sifati, samaradorligi va natijadorligi muntazam nazorat qilib borilmoqda.
Mazkur yo‘nalishdagi ishlar aholi uchun qulay yashash muhitini yaratish va mahallaning obodligini ta’minlashga qaratilgan bo‘lib, deputatlik nazoratida davom ettiriladi.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz