#Ekspert_guruhi_faoliyati

#Doimiy_komissiya_faoliyati

Doimiy komissiya va ekspert guruhi hamkorlikda

Xalq deputatlari Angor tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi a’zolari hamda ekspert guruhi hamkorligida sog‘liqni saqlash sohasidagi masalalar tahlil etildi.

Domiy komissiya davomida tuman tibbiyot birlashmasi rahbari Shozamonov Zulqaynar hududda sog‘liqni saqlashni rivojlantirishga qaratilgan davlat dasturlarining ijrosi, kasalliklar profilaktikasi holati, aholida sog‘lom turmush tarzi va to‘g‘ri ovqatlanish ko‘nikmalarini shakllantirish, shuningdek, sog‘liqni saqlash sohasining asosiy ko‘rsatkichlari yuzasidagi ma’lumotlari taqdim qildi.

Mazkur masala doimiy komissiya yig‘ilishida muhokama qilinib, tegishli qaror qabul qilish uchun zarur taklif va tavsiyalar ishlab chiqildi.

Ta’kidlanganidek, ekspert guruhining asosiy vazifalaridan biri Kengash va uning doimiy komissiyalari faoliyatiga ko‘maklashish, sessiyalarda ko‘rib chiqiladigan masalalarni chuqur va har tomonlama tahlil qilish, taqdim etilayotgan hisobotlar hamda qaror loyihalarini o‘rganish, ular yuzasidan xulosa va takliflar ishlab chiqishdan iborat.