Xalq deputatlari Qumqo‘rg‘on tuman Kengashi raisi O‘.Xoshimov tomonidan  og‘ir toifaga kiritilgan “Surxon sohili” mahallasida aholi uchun qulay infratuzilma obyektlarini barpo etish ishlarining borishini o‘rgandi.

Unga ko‘ra, hududdagi 2 kilometr ichki yo‘llarni asfaltlash, 5,6 kilometr piyodalar yo‘lakchalarini barpo etish hamda tungi yoritish chiroqlarini o‘rnatish rejalashtirilgan.

Bugungi kunda belgilangan vazifalar ijrosi doirasida amaliy ishlar izchil davom ettirilmoqda. Jumladan, mahalla ichki ko‘chalarini asfaltlash ishlari to‘liq yakunlandi.

Ayni paytda hududda zamonaviy piyodalar yo‘lakchalarini barpo etish va tungi yoritish chiroqlarini o‘rnatish ishlari jadal olib borilmoqda.

Mazkur bunyodkorlik ishlari natijasida mahalla infratuzilmasi zamonaviy talablar asosida takomillashtirilib, aholining erkin va xavfsiz harakatlanishi uchun yanada qulay sharoitlar yaratilmoqda.

Amalga oshirilayotgan mazkur loyihalar, avvalo, aholining kundalik turmush sharoitini yaxshilash, muhandislik-kommunikatsiya infratuzilmasini rivojlantirish va hududni zamonaviy qiyofaga keltirishga qaratilgan.