O‘rganish davomida mahalla yoshlar yetakchisi tomonidan “Yoshlarga oid davlat siyosati to‘g‘risida”gi O‘zbekiston Respublikasi Qonuni (O‘RQ-406) ijrosini ta’minlash borasida olib borilayotgan ishlar, yoshlarning muammolarini aniqlash va ularni hal etish, bo‘sh vaqtini mazmunli tashkil etish, bandligini ta’minlash hamda iqtidorli yoshlarni qo‘llab-quvvatlash bo‘yicha amalga oshirilayotgan chora-tadbirlarga e’tibor qaratildi.

Shuningdek, yoshlar bilan manzilli ishlash, ularning taklif va tashabbuslarini qo‘llab-quvvatlash hamda yoshlar siyosati sohasidagi vazifalarni samarali tashkil etish masalalari yuzasidan tegishli tavsiya va takliflar bildirildi.

Yoshlar — jamiyatning ertangi kuni. Shu bois ularning huquq va manfaatlarini ta’minlash, salohiyatini ro‘yobga chiqarish hamda munosib sharoit yaratish borasidagi ishlarni izchil davom ettirish muhim ahamiyatga ega.