#kunlik_ish_reja_ijrosi
#deputat_faoliyati
#24_ta_masala
#deputatlik_nazorati

“Bandixon” mahallasida obodonlashtirish ishlari deputatlik nazorati doirasida o‘rganildi

Xalq deputatlari Bandixon tumani Kengashining 1-“Bandixon” saylov okrugidan saylangan deputat Abdimo'minov Xasan Aliqulovich tomonidan deputatlik nazorati doirasida “Bandixon” mahallasi hududida olib borilayotgan obodonlashtirish ishlari o‘rganildi.

O‘rganish davomida mahalla hududining sanitariya-obodonlashtirish holati, ichki ko‘chalar va umumiy foydalanishdagi hududlarda amalga oshirilayotgan ishlarning borishi, hududlarni toza va ozoda saqlash hamda ko‘kalamzorlashtirish masalalariga alohida e’tibor qaratildi.

Shuningdek, aniqlangan kamchiliklarni bartaraf etish, obodonlashtirish ishlarini sifatli tashkil etish hamda hududda qulay va munosib yashash sharoitlarini ta’minlash yuzasidan mas’ullarga tegishli tavsiya va ko‘rsatmalar berildi.

Mazkur yo‘nalishdagi ishlarning sifati va natijadorligi deputatlik nazorati doirasida muntazam kuzatib boriladi.