Xalq deputatlari Qo‘qon shahar Kengashi deputati M.Axmedova tomonidan o‘z saylov okrugi hududiga qarashli “Qo‘shchinor” mahalla fuqarolar yig‘inida “Mahalla yettiligi” faoliyati, hududda amalga oshirilayotgan ishlar hamda aholi murojaatlari bilan ishlash holati yuzasidan o‘rganish ishlari olib borildi.

O‘rganish davomida “Mahalla yettiligi” a’zolari bilan uchrashuv o‘tkazilib, mahallada aholi bilan ishlash tizimi, fuqarolarni qiynab kelayotgan muammolarni aniqlash va ularni manzilli hal etish borasida amalga oshirilayotgan ishlar muhokama qilindi.

Xususan, mahalladagi ijtimoiy himoyaga muhtoj oilalarni qo‘llab-quvvatlash, aholining bandligini ta’minlash, oilalar daromadini oshirish, tadbirkorlik faoliyatini yo‘lga qo‘yish hamda ehtiyojmand fuqarolarga ko‘rsatilayotgan amaliy yordamlar holatiga e’tibor qaratildi.

Shuningdek, fuqarolarning murojaatlari bilan ishlash, kelib tushayotgan murojaatlarni o‘z vaqtida ko‘rib chiqish, ularning qonuniy yechimini ta’minlash hamda ijrosini nazorat qilish borasidagi ishlar o‘rganildi.

O‘rganish jarayonida mahallada amalga oshirilayotgan ishlarning samaradorligini oshirish, aniqlangan muammolarni tegishli tashkilotlar bilan hamkorlikda hal etish va aholining murojaatlariga e’tiborli yondashish yuzasidan mas’ullarga tegishli tavsiya va topshiriqlar berildi.

Mazkur o'rganish ishlarini olib borishda Xalq deputatlari Qo‘qon shahar Kengashi kotibiyati mudiri A.Nosirov hamda “Madad” NNT vakili M.Toshboltayevalar tomonidan amaliy ko‘mak ko‘rsatildi.

Xalq deputatlari Qo‘qon shahar Kengashi